[電腦科技] 床上用電腦好危險

首爾有個女仔床上用三星02年出廠P10型手提電腦，玩三個幾鐘，搞到電腦個電池熱熔，仲燒張床。

PC10以前香港都有得賣；三星香港話，家事件仲係調查緊，暫時冇任何進一步消息。韓國三星就話，個用戶枕頭上面長時間用電腦，有可能將電腦疏氣口塞住，令內部溫度上升引起。

理工大學機械工程學系工程師盧覺強話，手提電腦開之後，電腦入邊電池會發熱，所以機身會設疏氣口散熱，如果疏氣口有阻到，散唔到熱，電熱得滯，會造成短路而發出高溫。盧覺強強調：「床上邊咁多枕頭雜物，塞住電腦疏氣口，散唔到熱真係好危險。」