去年5月由加拿大碩士畢業返港的謝婷婷，8個月期間一直游手好閒，仍然行行企企食飯幾味，唔係蒲蘭桂坊就係中環名店Shopping，真係見到佢都悶。未有工開，最多客串做下model，示範名牌手袋同出席名牌活動，就連契媽汪明荃都開到口話希望婷婷可以正正經經搵份工做，唔好顧住玩。但冇做，唔玩點過日辰，早前婷婷一拖六壯男到「圓方」行街，其間更不斷上演一幕又一幕的Kiss畫面，汪阿姐見到唔知會點呢？
向來喜歡作性感打扮的婷婷，當日卻罕有地收起性感，穿上黑色長袖衫、黑色長褲，穿得比過往密實得多。她跟同行的六位壯男不斷邊行邊傾，向左行完又向右，行來行去也未找到目的地，突然間，其中一名男子錫了她面珠一下便離開，再行一陣，另一位男子同樣對她作出以上行為，剩餘5人繼續行，點知又行錯路要行回頭路。
商場玩捉迷藏
婷婷唔知行錯幾多次路，然後眾人又突然四散，坐在沙發上的婷婷四處張望，然後又密密打電話，原來婷婷跟眾男突然玩起伏匿匿，15分鐘後，眾人歸位，最終去到目的地，原來佢去睇戲，其實一早問人咪唔使浪費咁多時間囉。
與男士們同行時，其中一名男子突然錫了婷婷面珠一下。
男子熱情地攬實婷婷，婷婷欣然接受。
婷婷與其中五名男士密密斟行邊度，結果還是行錯路要走回頭。
眾人行錯路，兩名男士互相指責。
眾人突然四散，婷婷呆坐在一邊等候眾人歸位。
婷婷趁眾男士聊天時，靜悄悄離開。
相關新聞
谢婷婷拖六男士逛街 当街相拥吻别（组图）
伸延閱讀
被阿姐教訓要搵個好男人 謝婷婷即拖新仔回應
謝婷婷事業愛情去向未明
回港後「獵男」為樂
夜蒲謝婷婷驟現雙下巴
沒有留言:
發佈留言