[足球] 艾迪巴約着「阿仙奴球衣」上電視

Adebayor wearing arsenal shirt





艾迪巴約再穿「阿仙奴球衣」 (商台) 2010-01-13

今屆非洲國家盃在恐怖襲擊的陰霾下開戰，「受害者」當然是有3名職員被槍殺的多哥國家隊，現已被非洲足協拒絕再度參戰非國盃。多哥隊長艾迪比約接受訪問時指出，若未能再到安哥拉參戰，預期可盡快返回效力球會曼城報到，或可趕及周六作客愛華頓上陣。

上周五多哥國家隊的旅遊巴遇到恐怖襲擊，3名職員喪生，早前宣佈退出比賽的大軍日前已返回家鄉，替死難者作哀悼。其後多哥欲再度參戰非國盃，惜被主辦單位拒絕，而國際足協同時宣佈，由多哥國家隊自己決定，會否提早放球員返各自球會上陣。

艾迪比約昨日接受非洲電視台訪問時，臉上露出倦容及披頭散髮，身上還仍然穿起前度球會阿仙奴的T恤。表情沮喪的艾迪比約說：「我想再度前往安哥拉，為死去的職球員而戰，很希望能為他們比賽。」

現時主辦國安哥拉已否決多哥的申請，換言之隊員可隨時解散，問題是心理上能否趕時回復。英國《太陽報》指出，曼城願意給予艾迪比約復原時間，但有消息指，艾迪巴約將會獲國家隊放人，提早在本周返曼城報到。本周六，曼城將於英超聯作客愛華頓。

着阿仙奴衫上電視艾迪巴約唔識撈 (蘋果日報) 2010-01-14

多哥因遇襲而退出今屆非國盃，佢哋隊長艾迪巴約（白衫）日前接受電視台訪問講番事件始末，仲係好激動。令人奇怪嘅係，艾迪巴約上電視件衫嘅標誌，唔係多哥亦唔係現效嘅球會曼城，竟然係前球會阿仙奴。

艾迪巴約去夏離開阿仙奴過檔曼城，係咁數臭阿仙奴，仲喺贏阿仙奴4:2場波入波後，走去挑釁阿仙奴球迷。家陣佢仲着住件阿仙奴T恤，或者佢心底裏仲係好愛阿仙奴，希望有朝一日可返阿聯酋球場踢波；但我求大俠認為，唔理艾迪巴約有心定無意，着敵對球會衣物出席公開場合，對依家效力嘅球會好唔尊重，唔知曼城會唔會紀律處分佢。話時話，聽講艾迪巴約想喺今個周末返英比賽，但因為多哥喺呢段時間幫佢註冊咗出戰非國盃，所以要等多哥幫佢取消個參賽資格，之後先可以出戰球會賽事。