[娛樂資訊] 崔建邦o靚模女友哭訴遭鉸剪腳箝頸

模擬事發經過


1)據鄺敏慧描述，崔建邦為搶回手機及相機先把她推落地。


2)鄺敏慧掙扎，崔建邦使用武力壓着她。


3)接着鄺敏慧聲稱遭崔建邦以雙腳箝着她的頸項。

「佢推我落地騎住我」鄺敏慧爆邦邦動粗有前科 (蘋果日報) 2009-12-24

崔建邦動粗打 o靚模女友鄺敏慧後，形象插水，女方昨日一臉憔悴現身炮台山經理人公司 Hong Kong Genesis Model Management Ltd會見傳媒，大爆前日在崔建邦寓所睡房中被打經過，她說：「我哋嗌交，佢問我攞番手機要刪除相同短訊，佢先打我嘅頭，然後搶我個手機，跟住揑住我條頸，推我落地，我掙扎，佢捉唔住就將我壓住，成個騎住我，我好想走，但房門鎖咗。」

曾經被摑

鄺敏慧指崔建邦不但出手，還用雙腳對付，她說：「佢用腳鎖住我條頸，我有啲唞唔到氣嘅感覺。」鄺敏慧表示當時為自保，曾大叫救命和高呼報警，但無人理睬，她稱交出手機後仍不獲釋放，因為他再要求女方交出他送贈的相機，她說：「佢摷我個手袋，不過搵唔到。」直至鄺敏慧交出相機，才獲准離開。鄺敏慧直言當時屋中不只她和崔建邦，她說：「佢哥哥喺度，我哋鬧到好大聲，但唔知點解冇人理我。」鄺敏慧表示在房外的哥哥，正是早前被爆遭追欠債、崔建邦同母異父的哥哥陳明輝。

與崔建邦拍拖僅三個多月，但今次鄺敏慧已不是第一次被打，她說：「試過有一次佢飲醉咗，摑我一巴，飲咗酒通常有碰撞。」可覺崔建邦有暴力傾向？她說：「我唔知可唔可以咁講。」為何曾遭掌摑仍繼續一起，她說：「佢話唔會再咁做，我相信佢。」除了動手，平時鏡頭前口齒伶俐的崔建邦也愛爆粗，鄺敏慧說：「佢性格係暴躁啲，但平時正常，我會就吓佢，但嗌交佢都會講粗口。」

「有咀面相」

到底崔建邦緊張刪除的照片，內容是甚麼？鄺敏慧說：「冇唔着衫，有咀面相，冇唔見得人。」提到遭愛人毒打，鄺敏慧情緒激動，並用紙巾拭淚，問她會否打算庭外和解，她說：「我心情好亂，好驚，噚晚食咗安眠藥都瞓唔到，要媽咪同我一間房，我未試過咁嘅經驗。」崔建邦的鉸剪腳夾醒鄺敏慧，她無奈地說：「我當時冇正式提出過分手，但呢件事，唔想講分手都唔得，唔知點解佢呢次咁失控，完全控制唔到自己。」其經理人 Frankie一度插嘴指鄺敏慧曾受恐嚇，所以這次才報警處理。談到案件會令崔建邦前途受影響，鄺敏慧說：「佢都冇諗過我，我唔容許有人郁手。」鄺敏慧在記者會後再到了附近的診所看醫生，她事後說：「我手腳仲有瘀，頭腫咗，有少少頭暈，醫生話冇內傷。」其後她便返回寓所。