[時事新聞] 巴士阿爸 (勁口臭鬧老人家!!)

「巴士阿爸」與乘客舌戰，令人側目。

又一超級自私乞人憎乘客!!
(呢條片只係 1/4, 反應好post下集)

呢段片o既背景: 用BB 車霸住個窗口位o既巴士阿爸, 俾中途上車o既阿伯勸拎開架BB 車比阿婆坐! (阿伯阿婆係兩公婆) 巴士阿爸最初唔肯就範同埋非常無禮貌, 後來俾車上乘客圍攻, 終於要讓俾阿伯坐之後o既情境.(阿婆坐緊個位由另一乘客讓出)

部份字幕:

阿婆: 你唔好咁唔尊重人
巴士阿爸: 係咁架啦 你唔尊重我洗乜尊重你 你唔尊重人 點叫人尊重你
阿婆: 你唔會老呀你!
巴士阿爸: 我有排都未老
阿婆: 你最好唔會老呀
巴士阿爸: 你死先者!
阿伯: 生老病死 死咪死咯
巴士阿爸: 死咪死咯

巴士阿爸: 痴線! 你o係度扮o野o乍
巴士阿爸: 我邊有霸位o者 霸咩位o者 架車(BB車)擺邊o者! 擺車頂呀? 你又比錢我又比錢, 做咩我唔o岩呀?
阿伯: 惡得咁交關o既

巴士阿爸: 乜野盲o者? 你盲先o乍o麻

阿婆(對阿伯講): 喂 我地有知識.. 唔好..唔好同佢嘈
巴士阿爸: 你好有知識咩? 我有知識又點呀? 我有知識我可以講理由 咩野叫有知識無知識呀? 攞個證書出o黎o丫!

巴士阿爸: 我係唔順氣咁點o丫! 痴線架都
巴士阿爸: 你估老就得呀? 我夠香港出世咯! 我夠大學畢業咯! 咁點呀 我係唔服你呀 吹呀 你老又點呀? 我係唔尊重你呀 吹呀!

出位「巴士阿爸」 霸位臭鬧老人家 (頭條網) 2009-04-30

本報上星期刊出令人側目的「火車阿叔」片段，近日又再現一名言論同樣「出位」的「巴士阿爸」。網上流傳一段短片，一名中年漢被指以嬰兒車霸位，後來被勸移開讓座時疑惱羞成怒，與車上兩名年長乘客舌戰，大罵「你估老就得啊？我夠香港出世囉！我夠大學畢業囉！你老又點啊？」令人側目。

該段名為「巴士阿爸 （勁口臭鬧老人家！）」短片，片長只有一分五十一秒，但拍攝者聲稱片段只是事件的「上集」，並簡述事件起因，為片中的「巴士阿爸」在車上以嬰兒車霸位，後來一名老伯要求他讓座予一名婆婆，但他不予理會，遭其他乘客「圍攻」。

最後他與老伯及婆婆展開罵戰，「巴士阿爸 」的說話句句「到肉」，他先是不斷重複：「你唔尊重我駛乜尊重你。」又否認霸位，「你又畀錢我又畀錢，做咩我唔飱啊？」

不停「發爛渣」的「巴士阿爸」，更自稱有高學歷：「你估老就得啊？我夠香港出世囉！我夠大學畢業囉！咁點啊！我係唔服你啊，你老又點呀？」

片段完結時，各人的爭拗似乎還未平息。