[惡搞影片] 謝安琪參加超級巨聲

謝安琪對自己的音樂好有信心。


Kay認為網民的評論主觀，不會放於心中。

Kay自得其樂唔怕惡搞 (東方日報) 2009-09-23

人氣歌手謝安琪（Kay）是非纏身多時，除與已婚的陳奕迅傳出緋聞外，唱歌失準片段更無休止被網民放上網惡搞，不過對自己充滿信心的Kay一於少理，坦言未有受打擊，更指網上評論參差，不需網友提供評語。

Kay、鄭希怡（Yumiko）、泳兒、鍾舒漫與陳家樂昨日現身活動，問到Kay對於網上源源不絕出現網民為她製作的失準片段，更抵死配上《超級巨聲》星級批評，自信的Kay就淡定表示：「冇睇過，如果係整蠱都冇必要睇，自己水準係點唔需要網民畀評語，對自己音樂好有信心，唔會受打擊。」
鄭希怡比較鍾意中性打扮。

拒認廣告天后

Kay 又說未有留意官恩娜在《超》與參賽者合唱大獲好評，她說：「好少睇，返到屋企都爭取時間休息，工作需要嘅意見同事會話我知，（網民意見都有用？）每人都有發言權，聽意見係好事，我聽到嘅好足夠，而且網上評語好參差，唔會放喺心，有時間都會睇，但唔會刻意。」至於頻頻接拍不同類型廣告，Kay就拒認「廣告天后」，她說：「質素係最重要，之前內地頒布如果藝人做代言人嘅產品出現問題，藝人都要受罰，所以要小心啲，（搶走唔少藝人廣告？）唔係，廣告商都係想換吓人，想有新鮮感啫。」