2009年7月6日

[有趣影片] 香港亂噏 盧海鵬扮木村拓哉GATSBY廣告做型

香港亂嗡《特區政府冇問題記者會》2009-07-05

香港亂嗡 鵬哥扮木村拓哉GATSBY廣告做型


香港亂嗡 盧海鵬扮木村拓哉GATSBY廣告做型 (HD)


香港亂嗡 盧海鵬扮木村拓哉《戒住先》


《香港亂噏》台柱盧海鵬扮演著名日本明星「木村托杉」演出的「戒煙」產品「戒住先」廣告環節

足本版

香港亂嗡:7月1日娛樂場所禁煙


2009年7月5日晚8:30 ATV 香港亂嗡

報章報道

《香港亂噏》有出頭天 (蘋果日報) 2009-07-07

風水輪流轉,大台事事旦旦俾觀眾鬧到暈,弱台玩鋪勁卻有驚喜,亞視扮嘢節目《香港亂噏》口碑不俗,儼如巨人殺手,雖然收視僅單位數六點,不過網上卻好多人一睇再睇,勁讚呢個係亞視近年最精采節目,八方相信收視率應該未見頂。

網民激讚盧海鵬

《香港亂噏》台柱之一係扮嘢王盧海鵬,以前模仿小鳳姐、欣宜維肖維妙,原來扮高官都有一手,近日佢以教育局局長孫公造型出鏡,睇過嘅人都大讚幾可亂真。最近一集以政府宣傳戒煙為話題,指「教肉局局長孫明洋」搵咗木村托杉為政府拍戒煙廣告,鵬哥扮完孫公再扮木村,模仿止汗劑廣告搔首弄姿。

鵬哥向來專業,扮嘢絕不錫身,學足正牌木村咁露兩點,擺埋殺死人反白眼甫士,直情係高潮所在,好多網民都激讚。既然木村托杉咁受歡迎,八方建議新聞處應該考慮外判政府宣傳片畀亞視製作,好過做埋啲老老土土冇人睇官樣廣告。


A貨孫公開記者會,講戒煙措施。
 

木村托杉反白眼,甫士殺死人。

扮政治人物 演員惡補時事 (明報) 2009-07-12

走進《香港亂噏》攝影棚,各個「高官」、「議員」、「名人」,每周都就不同民生政治議題展開激辯,扮鬼扮馬對一眾資深演員來說毫無難度,最難原來是要惡補時事。

盧海鵬扮「木村托杉」最矚目

以「教肉局長孫明洋」身分召開記者會,「扮嘢天王」盧海鵬的演技出神入化,上星期扮「木村托杉」拍戒煙廣告,YouTube    點擊率一周突破15萬人次,令《香港亂噏》人氣急升。扮政治人物,鵬哥表示今次並非第一次,但扮高官講政治民生,就是第一次,所以都算是新挑戰,「我以前淨係睇娛樂,依家日日要睇埋新聞,我啲仔女都大晒,但我做局長依家就日日都要關注教育」。

鵬哥認為,扮孫公沒有難度,「講嘢講到好似捱打咁就似」。不過,他說孫公說話時好多「呢」,如「教育局呢……今日呢……見傳媒呢……」,為了確保節目流暢,他會將說話速度加快,變成「活潑版孫公」。

鵬哥自摸扮木村點擊20萬次 (太陽報) 2009-07-16

「扮嘢王」盧海鵬在《香港亂噏》中扮演日本萬人迷木村拓哉,化身「木村托杉」宣傳戒煙產品,在YouTube引起廣泛討論,並錄得逾20萬次點擊率,與陳柏宇的「激凸」演唱片段同樣受歡迎。

扮嘢始祖盧海鵬,扮嘢向來冇難度,他在亞視節目《香港亂噏》中繼續發揮其扮嘢本色,模仿日本萬人迷木村拓哉,化身「木村托杉」演出戒煙產品「戒住先」廣告環節,無論在造型、表情、扮相、語氣及動作等均十分神似,鵬哥更學木村掀開恤衫露肉自摸,又拿着奶樽擺甫士,令人拍案叫絕!

該集內容被上載到網站YouTube,短短個多星期已錄得逾20萬人次點擊率,而在人氣網站的搜尋排名亦曾高踞榜首,受歡迎程度直逼近日陳柏宇的「激凸」演唱短片,證明鵬哥魅力依然!

姜皓文扮成龍動L

除鵬哥外,姜皓文在節目中的成龍扮相亦相當神似,他扮演成龍的洗頭水廣告,造型及對白「動L」均令人捧腹;另一亞視藝員蔡國威,將羅蘭的「謎女王」造型變成「迷女王」,服裝、化妝同樣一絲不苟,扮得非常出色,難怪《香》錄得不俗收視。有見及此,《香》將於本月20日起加強陣容,改於周一至周五晚直播,並加入新環節及新元素,與無綫對撼!

試比較

木村拓哉 - GATSBY 髮蠟系列


木村拓哉 - GATSBY 海洋味粉劑止汗噴霧 Biocore Deodorant Spray

沒有留言:

Blog Widget by LinkWithin
Google
 

How Michael Jackson's Pill Addiction Began

網誌封存

Share your Images & Videos with us

Get a Free account!