[各抒己見] EDC徵場開P

隔牆有耳：EDC徵場開

淫照男主角陳冠希（EDC）事發後出走美國，除再玩自拍出過一段短片聲明後，至今仍未蒲頭，日前有消息話EDC今日開PC（記者會），不過佢老闆岳少透露EDC應該noshow，原因不明，有人話可能同搵唔到地方開PC有關，八方認為呢個只係小問題，好易解決。

據講EDC本來想岳少有業權中環AIG大廈公開露面，但遭大廈拒絕，認真唔畀面。此處不留人，自有留人處，八方大膽畀個建議EDC，若然真係冇人收留，可以入《蘋果》，《蘋果》家有個《娛樂開CHAT》節目，藝人直播室接受訪問，全球網民可以即時上網提問，同EDCrealtime真情對話，唔使好似上次自拍短片讀聲明咁，俾人恥笑佢似恐怖分子塔利班。
如果覺得將軍澳有隔涉，其實中環都仲有好多地方可以開記者會，AIG大廈唔歡迎EDC，旁邊麗嘉酒店其實都係岳少物業。麗嘉已停業準備拆卸，咁大間酒店，容納一千幾百個記者話咁易，與其丟空冇用，不如畀EDC用埋最後一次。中環區次選地點係國金，舊年電影《蝙蝠俠》香港取景，有場劇拍蝙蝠俠國金躍下，EDC有戲份，應該幫手宣傳，但千祈咪假戲真做，跳落。

警察總部最安全

江湖傳聞有人想做EDC世界，貿然露面可能幾危險，為求穩陣，EDC方面可以考慮情商警方借出警察總部開記招，加上警方都想問EDC料，EDC方面亦話會配合警方，警民合作皆大歡喜，真係雙贏方案。話實EDC唔使左揀右揀搵地方，首選地點遠在天邊近在眼前，大家估邊？八方開估，就係佢間私人「影樓」自己間房。EDC要擺脫負面事件，應該勇於面對過去，重回「第一現場」講述事件前因後果，話畀公眾知佢點影得出咁多相，一次過滿足晒全港八卦市民偷窺慾望，淫照風波自然平息。

如果佢怕回家，八方仲有其他建議，book阿嬌開記招間酒樓都得，一不離二，方便傳媒；冷門選擇係借用明光社會址，以示洗心革面，至於人借唔借就睇佢有冇誠意。如果始終搵唔到地方，佢都係唔好返，既然香港容不下佢，仲返做乜